Binigyang-diin ni DOTr secretary Jaime Bautista na hindi na maibabalik ang libreng-sakay program sa buong bansa.
Ayon kay Bautista, pumalo na sa mahigit 7 bilyon pesos ang nagastos ng Land Transportation Franchising and Regulatory Board (LTFRB) sa libreng-sakay program mula Abril hanggang Hunyo.
Ani Bautista, ang tiyak lang na mananatili sa libreng-sakay ay ang EDSA Bus Carousel na magtatagal hanggang sa katapusan ng Disyembre.
Dagdag pa ng kalihim na aabot sa 1.4 bilyong piso ang kinakailangan para mapondohan ang pagpapalawig ng libreng-sakay sa bus carousel.
