Nadagdagan ang lebel ng tubig sa Angat Dam at limang iba pa, dahil sa tuloy-tuloy na pag-ulan kahapon.
Batay sa monitoring ng PAGASA Hydrometeorology Division kaninang umaga, umakyat na sa 192.38 meters ang lebel ng tubig sa Angat Dam.
Bahagya itong tumaas kumpara sa 190.60 meters na water elevation, kahapon.
Samantala, nadagdagan din ang imbak na tubig sa Ipo Dam na nasa 99.16 meters mula sa 98.90 meters kahapon, at La Mesa Dam na nasa 78.65 meters mula sa 78.55 meters.
Ang iba pang dam na nagpakita ng pagtaas ng lebel ng tubig ay Ambuklao Dam, Magat, at Caliraya Dam.
Nanatili namang mababa sa normal ang lebel ng tubig sa Binga Dam, San Roque, at Pantabangan Dam. —sa panulat ni Abby Malanday
