Lanao del Norte nakaalerto kontra Maute Group

Naka-heightened alert na ang militar at pulisya sa Lanao del Norte maging sa Iligan City upang maiwasan ang pagkalat ng bakbakan sa pagitan ng mga sundalo at miyembro ng Maute Group.

Ayon kay Iligan City Police Chief, Senior Supt. Leony Roy Ga, bantay sarado na nila ang lahat ng entry at exit points bilang bahagi ng pinaigting na seguridad.

Pinaniniwalaang lumipat ang Maute sa bayan ng Piagapo, Lanao del Sur mula sa Butig dahil sa pinatinding kampanya ng militar.

Biyernes nang magsimula ang bakbakan ng militar at teroristang grupo sa Piagapo kung saan labinlimang (15) miyembro na umano ng Maute ang napatay.

By  Drew Nacino

Comments

comments