Niyanig ng lindol ang lalawigan ng Ilocos Norte, kanina.
Ala 5:12 ng hapon nang tumama ang magnitude 4.5 at natunton ang sentro nito 18 kilometro, hilagang-kanluran ng bayan ng Marcos.
Naramdaman ang Intensity 4 sa Paoay at Pasuquin, Ilocos Norte; intensity 3 sa Sinait, Ilocos Sur; Laoag City, Ilocos Norte at intensity 2 sa Claveria, Cagayan at Vigan city, Ilocos Sur.
Wala namang nasugatan o napinsalang gusali sa pagyanig habang hindi inaasahang ang aftershocks.
