Nasawi ang isang lalaki matapos pagtatagain ng kaniyang kapitbahay sa Moalboal, Cebu.
Ayon sa imbestigasyon, matagal nang may alitan ang biktima at ang suspek na kaniyang ring kapitbahay.
Naghamon umano ng away ang biktima at binato pa ang bahay ng suspek, na siya namang nagtulak sa salarin para gawin ang krimen.
Ayon sa suspek, naubos na ang kaniyang pasensiya sa mga ginagawa ng biktima.
Boluntaryo namang sumuko ang suspek sa mga awtoridad at nahaharap sa kaukulang kaso.
