Naghain ng guilty plea ang suspek na nambugbog sa isang 67 taong gulang na Pilipina sa Yonkers, New York noong March 11.
Magugunitang papasok ng kanyang aparment ang biktima nang bugbugin ng suspek na si Tammel Esco.
Kabilang sa mga isinampang kaso laban sa suspek ang attempted murder at assault, matapos magtamo ng facial bone fracture, brain bleeding, multiple contusion at galos sa mukha.
Dahil sa nasabing hakbang, tiwala si district attorney Miriam Rocah na nabigyan ng hustisya ang ginawang pambubugbog sa Pinay.
17 taong makukulong si Esco na kuwalipikado rin sa limang taong post release supervision.
