Naaresto na sa Taguig City ang isang lalaking nahaharap sa kasong rape sa Santa Cruz, Occidental Mindoro.
Kinilala ng Manila Police District ang suspek na si Jomar Manalo, nagtatrabaho sa isang construction site.
Ayon kay MPD Warrant Section Chief, Police Lieutenant Jerry Campo, kasama ni Manalo ang tatlong lalaking nanghalay sa isang babae noong 2012 habang nag-iinuman.
Matapos nito, lumuwas sa Maynila ang suspek habang 2013 na ng nilabas ng korte ang arrest warrant laban sa kanya.
Sa ngayon, nakakulong na si Manalo kasama ang isa nitong kasabwat habang pinaghahanap ang isa pa.
