Patay ang isang lalaki matapos masalpok ng truck sa labas ng kanilang bahay sa Labo, Camarines Norte.
Kinilala ang biktima na si Dante Villamarso, 55-anyos na naghuhugas umano ng plato sa labas ng kanilang bahay ng biglang dumating ang pagewang-gewang na truck.
Base sa imbestigasyon, hindi umano napansin ng driver ang biktima na agad isinugod sa ospital pero kalaunan ay agad din itong binawian ng buhay.
Hindi na nagsampa ng kaso ang pamilya ng biktima matapos makipag-areglo sa suspek. —sa panulat ni Angelica Doctolero
