Hindi na napigilang maluha ng beauty queen-actress na si Kylie Verzosa nang mapag-usapan sa isang noontime show ang tungkol sa hiwalayan.
Sa isang segment, kung saan isa si Kylie sa mga hurado, bigla na lamang siyang naluha dahil sa kuwento ng isang contestant kung paanong ang minsang maliliit na bagay ay pinag-aawayan na nila ng kaniyang nobyo.
Bigla namang humirit si Vice sa beauty queen at tinanong kung may pinagdadaanan ba ito na mga challenges sa kanyang buhay pag ibig pero hindi agad nakasagot si Kylie at naluha na lamang ito.
Ayon kay Kylie na-touch lamang ito sa kwento ng naturang contestant.
Matatandaang, may lumalabas na isyu na nagkakalabuan na sila ng boyfriend niyang si Jake Cuenca matapos ang Twitter post ni Kylie na may caption na “broken.”
Sa ngayon, wala pang pahayag ang dalawa ukol sa breakup rumors. —sa panulat ni Angelica Doctolero
