Handang sagutin ng Kuwaiti government ang pamasahe pabalik ng Pilipinas ng may 50 Pinoy workers na tumakas sa kani-kanilang mga amo.
Ito ayon kina Presidential Spokesman Harry Roque at Labor Secretary Silvestre Bello III ang alok ng Kuwait matapos silang makipagpulong sa ilang opisyal nito.
Ipinabatid ni Roque na makakasama na nila pabalik ng Pilipinas ang mga naturang Pinoy workers na nananatili pa rin sa embahada ng bansa sa Kuwait.
May go signal na rin aniya ang Kuwait para makauwi ang 600 pang runaway OFW na nasa Philippine Embassy maliban na lamang yung may mga nakabinbing kaso.
—-
