Dumipensa ang Queen of Talk na si Kris Aquino sa balitang nagsalita siya laban sa porn star na si Maria Ozawa sa pagkakaugnay nito sa kanyang kapatid na si Pangulong Noynoy Aquino.
Ito ay kaugnay sa isang artikulo na lumabas sa isang website kung saan kinuwestyon umano ni Kris kung ilan lalaki na ang gumamit kay Ozawa.
Ayon kay Kris, wala siyang sinabing anuman laban kay Ozawa dahil unang-una ay never naman siyang natanong o na-interview ukol dito.
Hindi rin aniya tama na palabasin na nakausap siya gayong wala siya dito sa bansa nang lumabas ang artikulong iyon.
Kaya’t pakiusap ni Kris, kung mag-iingay ang naturang website para makilala ay huwag na siyang gamitin pa.
By Rianne Briones
