Balik-bansa na si Kris Aquino matapos ang 2 buwang bakasyon sa Amerika.
Kasama ng actress-host sa kanyang ‘break’ ang dalawang anak na sina Joshua at Bimby.
Sa larawang ipinost ni Aquino sa kanyang Instagram account makikita ang last photo nilang mag-iina sa California kasama ang ilang malalapit na kaibigan.
Ibinahagi ni Aquino na sobra niyang na-enjoy ang oras at oportunidad na makasama ang kanyang mga anak at maging ina nila.
Bumalik sa Pilipinas si Kris ilang araw bago ang pagbaba sa puwesto ng kanyang kapatid na si President Benigno Aquino III sa Huwebes, Hunyo 30.
Samantala, una nang sinabi ni Kris na sa ngayon ay hindi pa siya babalik sa pagtatrabaho.
Photo: Screengrab from kris aquino / Instagram
