Inaasahang magsisimula na ang konstruksyon ng Balog-Balog Storage Dam sa lalong madaling panahon.
Ito ang inihayag ng National Irrigation Administration matapos lumagda sa isang kasunduan sina NIA Administrator Retired Gen. Ricardo Visaya, mga opisyal ng nia at ang pribadong sektor.
Ayon kay Visaya, ang gagawa ng Balog-Balog Multi Purpose Project-Phase II ay ang ITP Construction Inc. At Guangxi Hydroelectric Construction Bureau Co., ltd.
Binigyang diin ni Visaya na malaking tulong ang Balog-Balog Dam sa 23,000 magsasaka sa sandaling matapos ang konstruksyon nito dahil aabot sa 34,410 ektaryang sakahan ang masusuplayan ng tubig sa irigasyon.
Inaasahang tataas din ang produksyon ng mga magsasaka mula sa 24 porsiyento hanggang 200 porsiyento na mag-iimprove ang kanilang ani at gaganda ang kanilang kita.
By: Meann Tanbio
