Dinukot ng mga hinihinalang miyembro ng Abu Sayyaf Group ang isang konsehal sa Jolo, Sulu na si Ezzedin Tan.
Batay sa inisyal na ulat, naganap ang pagdukot kay Tan habang ito ay nagbibisikleta sa pagitan ng barangay Tagbak at barangay Timbangan sa bayan ng Indanan kahapon.
Base pa sa salaysay ng mga testigo na pawang mga kapwa siklista ni Tan ay bigla na lamang huminto ang isang kulay pula na Tamaraw at agad na isinakay ang konsehal.
Kinumpirma naman ni Brigadier General Cirilito Sobejana ng Joint Task Force Sulu ang nasabing pagdukot at kasalukuyan na aniya silang nagsasagawa ng search and rescue operations para mabawi si Tan.
—-
