Magsisimula na ngayong araw ang kauna-unahang State of the Nation Address (SONA) ni Pangulong Ferdinand “Bongbong” Marcos Jr., na gaganapin mamayang hapon sa Batasang Pambansa sa Quezon City.
Ayon kay Presidential Executive secretary Vic Rodriguez, nakahanda na ang ibat-ibang ahensya ng gobyerno kabilang na ang Presidential Security Group (PSG), Philippine National Police (PNP), Metropolitan Manila Development Authority (MMDA) at Department of Public Works and Highways (DPWH) para sa seguridad at kaligtasan ng mga dadalo sa SONA ng ika-17 Pangulo ng bansa.
Nabatid na sinimulan nang i-deploy ang halos 22K Pulis na magbabantay at magpapatupad ng Anti-riot at maximum tolerance sakaling magkaroon ng banta sa gitna ng talumpati ng pangulo at pagsasagawa ng kilos protesta ng nasa 10K mga miyembro ng militanteng grupo.
Bukod pa dito, maglalagay din ng mga truck at ambulansiya ang MMDA para sa pagbibigay ng ‘Libreng Sakay’ sa kahabaan ng Commonwealth Avenue.
Pinayuhan naman ng MMDA ang mga motorista na dumaan sa mga ibinigay na alternatibong ruta dahil sa inaasahang matinding daloy trapiko sa nabanggit na lugar.
