Top trending topic sa Twitter ngayon ang tila pagkaayos na ng dalawang international pop singers na sina Katy Perry at Taylor Swift na matagal na ring may iringan.
Kasunod ito ng pagpo-post ni Taylor ng video sa kanyang Instagram stories ng isang package at sulat na nagmula aniya kay Katy.
Nilagyan din ito ni Taylor ng caption na ‘Thank You’ at dalawang heart na emoji.
Taylor Swift post this on her instagram story and seem’s like Katy send her a letter
“Hey old friend – I’ve been doing some thinking on past miscommunications and feelings between us and wanted to clear the air…” pic.twitter.com/jSQd7tnbj4
— Katy Perry Updates (@katyspics) May 8, 2018
Ang package ay naglalaman ng isang olive branch na nagsisimbolo ng peace o kapayapaan habang nakasaad naman sa sulat ang paghingi na ng sorry ni Katy sa kanyang mga nagawa laban kay Taylor.
Magugunitang noong nakaraang taon ay sinubukan din ni Katy na makipag-ayos kay Taylor sa pamamagitan ng paghingi ng tawad sa publiko at pagtawag dito na fantastic singer pero walang naging sagot si Taylor.
Nag-ugat naman ang away sa dalawa dahil sa pagkuha ng mga back-up dancer na umabot pa sa pagsusulat ng mga kanta laban sa isa’t isa.
—-
