Dagdag na mahigit 1.2 milyong bakuna mula sa moderna ang dumating sa Pilipinas.
Alas diyes ng umaga nang lumapag sa NAIA ang panibagong supply ng moderna vaccines sakay ng China Airlines Flight.
Mahigit 800,000 doses ng moderna vaccines ay mapapasakamay ng gobyerno at makukuha naman ng pribadong sektor ang mahigit 300,000 doses.
Ipinabatid ni Vaccine Czar Carlito Galvez, Jr. na ipapadala ang bahagi ng bagong dating na moderna vaccines sa regions 3, 4a, 7, 11, 12 at iba pang lugar na nakapagtala ng mataas na kaso ng COVID-19.—sa ulat ni Raoul Esperas (Patrol 45)
