Tinukoy ng Palasyo ang mga karagdagang lugar na ipaprayoridad para sa COVID-19 vaccine rollout maliban sa NCR plus 8.
Ayon kay Presidential Spokesperson Harry Roque, kabilang sa plus 10 priority areas sa pamamahagi ng COVID-19 vaccines ang Cagayan De Oro, Bacolod, Baguio, Zamboanga, Dumaguete, Tuguegarao, General Santos, Naga, Legazpi, at Iloilo City.
Paliwanag ni Roque, naging basehan sa pagpili sa mga nasabing lugar ang tumataas na bilang ng mga kaso ng COVID-19, pagiging highly urbanized at dense environment, at kontribusyon sa regional o national economy.
Sinabi pa ni Roque na wala pa siyang impormasyon kung ilang porsyento ng suplay ng bakuna ang matatanggap ng mga nabanggit na lugar. —sa panulat ni Hyacinth Ludivico
