Nilinaw ng Department of Health na mas kailangan ng mga ospital ang karagdagang COVID-19 beds kaysa oxygen at ventilators.
Ito, ayon kay Health Undersecretary Maria Rosario Vergeire, ay dahil kaunti ang severe at critical COVID-19 cases.
Mino-monitor na anya ng DOH ang ilang lugar na walang sapat na alokasyon ng COVID beds.
Ipinaliwanag din ni Vergeire na dahil ito sa dami ng non-COVID admissions sa ilang lugar habang ang ibang local governments ay wala talagang kapasidad.
Gayunman, walang gaanong severe at critical cases sa mga ospital na isang magandang senyales kaya’t hindi masyadong kailangan ang mga mechanical ventilator, oxygen tank at COVID-19 investigational drugs.
Samantala, nasa moderate risk na 50 hanggang 70% ang health-care utilization rate sa karamihan ng mga rehiyon.