Aprubado na ng Election Registration Board ng Alabel, Saranggani ang paglilipat ng registration ni Rogelio Pacquiao sa Saranggani mula sa General Santos City.
Ayon kay Helen Ysah Paidumama, Election Officer ng Alabel at Chairman ng Alabel ERB, walang kumontra sa application ng kapatid ni Pacman para mailipat ang registration nito.
Bukod pa ito aniya sa kumpleto ang mga dokumentong ibinigay ni Pacquiao sa mga otoridad.
Dahil dito, ipinabatid ni Provincial Election Supervisor Atty. Mike Mamukid na official registered voter na ng Saranggani si Rogelio Pacquiao na kasalukuyang konsehal.
October 12 nang maghain ng kaniyang COC ang kapatid ni Pacman para tumakbo sa pagka-kongresista.
By Judith Larino
