Pormal nang itinalaga ni Pangulong Noynoy Aquino si National Housing Authority General Manager Atty. Chito Cruz bilang bagong Chairman ng Housing and Urban Development Coordinating Council o HUDCC.
Si Cruz ang siyang kahalili ni Vice President Jejomar Binay na una nang nagbitiw sa puwesto upang tutukan ang kaniyang ambisyong pulitikal.
Bilang chairman ng HUDCC, pamumunuan ni Cruz ang lahat ng ahensyang may kinalaman sa pabahay kabilang na ang NHA na kaniyang pinagmulan.
Saklaw din ng pamamahala ni Cruz ang PAG-IBIG Fund, Housing and Land Use Regulatory Board o HLURB, National Home Mortgage Finance Corporation at Home guarantee Corporation.
By Jaymark Dagala
