Kumpiyansa ang kampo ni US Marine Lance Corporal Joseph Scott Pemberton na makakalusot ito sa kasong pagpatay sa Filipino transgender na si Jeffrey “Jennifer” Laude noong October 2014.
Ayon kay Atty. Rowena Garcia-Flores, isa sa mga abogado ni Pemberton, may ebidensya sila na pinatay si Laude hindi ni Pemberton kundi ng ibang tao.
Kabilang umano sa mga ito ay ang anggulo ng pagkawala ng P20,000 na cash ni Laude nang matagpuan itong patay sa isang bathroom ng Celzone Lodge sa Olongapo City.
Gayunman, binigyang diin ni Atty. Harry Roque, counsel ng pamilya Laude, na hindi pa napatutunayan sa korte ang mga naturang teorya.
By Jelbert Perdez
