Handa na ang mga kinatawan mula sa Kamara para sa isasagawang pagpupulong ngayong araw ng bicameral conference committee.
Ito’y upang pagtibayin ang panukalang budget ng pamahalaan para sa susunod na taon na naka-angkla sa pagbangon ng ekonomiya at pagtugon ng bansa sa COVID-19 pandemic.
Ayon kay House Speaker Lord Allan Velasco, kanilang titiyakin na may sapat na pondo ang gubyerno upang tugunan ang COVID-19 lalo na ang pagbili ng bakuna laban dito.
May nakalaan din aniyang pondo para naman sa pagbangon ng mga sinalanta ng sunod-sunod na kalamidad sa bansa nitong nakalipas na buwan.
