Hiniling ni Justice Secretary Jesus Crispin Remulla sa National Bureau of Investigation (NBI) na kontakin ang pamilya ni Bureau of Corrections(BuCor) Senior Superintendent Ricardo Zulueta sa gitna ng pananahimik nito.
Ayon kay Remulla, ito ay upang malaman ang impormasyon sa kinaroroonan ni Zulueta, na umano’y mastermind sa pagpatay sa broadcaster na si Percy Lapid.
Nabatid na naghain ng kasong murder ang PNP at NBI laban sa BuCor Official at Chief Gerald Bantag.
Gayunpaman, hindi dumalo si Zulueta maging ang kaniyang legal representative sa unang preliminary investigation kaugnay sa naturang kaso sa Department of Justice.
