Pinadalhan na ng subpoena ng Senate Blue Ribbon Committee ang dalawang casino junket operators na sangkot sa maanomalyang 81 million dollars money laundering scandal.
Partikular na inimbitahan ng senado ang Suncity Group Junket gayundin ang Goldmoon Junket sa muling pagpapatuloy ng pagdinig sa Abril 5.
Maliban sa mga nabanggit, pinadadalo rin sa pagdinig ang messenger ng Philrem Service Corporation na siyang nag-deliver umano ng milyun-milyong pisong halaga ng salapi sa mga personalidad na sangkot sa anomaly.
Dadalo rin sa nasabing pagdinig ang mga kinatawan ng Bureau of Internal Revenue o BIR sa pangunguna ni BIR Commissioner Kim Henares upang malaman kung nagbabayad ng tamang buwis ang mga junket operators.
By Jaymark Dagala
