Nagsalita na sa kauna-unahang pagkakataon si Jennylyn Mercado kaugnay sa napapabalitang pagbabalikan nila ng dating nobyo na si Dennis Trillo.
Inamin ng dalaga na minsan ay nagkikita sila ni Dennis pero hindi ibig sabihin ay may namamagitan na sa kanila.
Nausisa din ang tungkol sa lumabas na picture nila ni Dennis sa Balesin Island Club noong nakaraang Holy Week.
Aniya kung makikita sa larawan marami silang kasama noon at magkahiwalay silang nakunan ng litrato kaya’t hindi umano dapat yun bigyan ng ibang kahulugan.
Sinagot din ng dalaga ang umano’y panunuod nila ni Dennis ng UFC fight night sa SM MOA Arena, aniya kung romantic date yun sana daw ay fine dining pero hindi, suntukan pa talaga.
Giit pa ni Jennylyn sobrang busy talaga niya ngayon kaya friends lang muna ang kaniyang mai-oofer sa ngayon kay Dennis.
By Jenny Valencia
