Tumanggi si pork barrel scam queen Janet Lim Napoles na magpasok ng plea sa kinakaharap na P18.491-Million tax evasion case sa Court of Tax Appeals.
Ipinaliwanag ni Napoles na kaya hindi siya nagpasok ng plea, bunsod na rin ng payo sa kanya ng abogadong si Ian Encarnacion.
Sa halip, ang CTA Third Division na ang nagpasok ng “not guilty plea” para kay Napoles.
Samantala, itinakda ng korte ang preliminary conference sa kaso ni Napoles sa July 14, ala-1:30 ng hapon habang ang pre-trial proceeding ay sa August 17.
By: Meann Tanbio
