Ibinunyag ni Justice Secretary Vitaliano Aguirre na may protektor sa NBI o National Bureau of Investigation ang gambling tycoon na si Jack Lam.
Sa flag raising ceremony ng PNP o Philippine National Police, sinabi ni Aguirre na ito ang dahilan kayat humingi siya ng tulong kay PNP Chief Director General Ronald dela Rosa nang salakayin nila ang online gambling business ni Lam sa Fontana Clark.
Ayon kay Aguirre, mahigit isandaang (100) miyembro ng SAF o Special Action Force ang sumalakay sa online gambling business ni Lam kung saan nila naaresto ang mahigit sa isang libong (1,000) Chinese nationals ang kanilang naaresto.
Hindi naman nagbigay ng karagdagang detalye hinggil dito si Aguirre.
Ngayong araw na ito, umusad na ang imbestigasyon ng Senado hinggil sa di umano’y pangingikil ng ilang Immigration officials kay Jack Lam.
By Len Aguirre
