Nanindigan ang VACC o Volunteers Against Crime and Corruption na nilabag ng online gambling tycoon na si Jack Lam ang Anti-Dummy Law o Commonwealth Act 108.
Nakapaloob sa isinumiteng reply affidavit ng VACC, na pinaglaruan ni Lam ang itinatakda ng umiiral na batas para magmay-ari ng isang dayuhan ng SAPI o share sa isang korporasyon na pagmamay-ari ng mga Pilipino.
Ayon kay Arsenio Boy Evangelista, tagapagsalita ng VACC, kuwesyunable ang mga dokumento at sertipikasyon na nagpapatunay na may SAPI si Lam sa Fort Ilocandia Resort and Hotel sa Laoag, Ilocos Norte.
Nagpatupad din aniya ng corporate layering si Lam para maitago ang kaniyang mga dummy company na sinasabing may shares of stocks sa fort Ilocandia na kaniyang kinamkam.
By Jaymark Dagala |With Report from Bert Mozo
