ISIS hindi pa tuluyang nagagapi—analysts

Naniniwala ang ilang mga eksperto at analyst mula sa Amerika at Gitnang Silangan na hindi pa tunay na nagagapi ang ISIS o Islamic State of Iraq and Syria.

Ito’y sa kabila ng malaking pagkalagas sa puwersa ng Islamic State gayundin sa pagkaunti ng mga lugar na kanilang nakukubkob, tatlong taon mula nang itatag ito ni Abu Bakr Al Baghdadi.

Giit ng mga eksperto at analyst, bumalik na sa pagiging insurgent force ang ISIS mula nang mabawi sa kanila ng Iraqi Forces ang bayan ng Mosul sa Iraq na isa sa mga pinakamalaking kuta ng Islamic State.

Batay sa datos ng American Intelligence and Counter Terrorism Office, nasa animnapung libong (60,000) Islamic State fighters ang napatay mula noong Hunyo 2014 kabilang na ang daan-daang pinuno ng mga ito.

By  Jaymark Dagala   

Comments

comments