Aabot sa halos 1,000 mga pasahero ng MRT o Metro Rail Transit Line 3 ang pinababa matapos na makaranas ng electrical problem ang isang tren nito kagabi.
Ayon sa pamunuan ng MRT 3, pinababa ang mga pasahero sa south bound ng Shaw Boulevard Station dakong alas 8:14 kagabi.
Ang aberya ay dulot ng sobrang lumang electrical components ng tren tulad ng insulator, regulator at main chopper.
Agad namang pinasakay ang mga pinababang pasahero sa kasunod na tren matapos ang apat na minuto.
