Patay matapos ma-hit and run ang isang Pinoy sakay ng kaniyang bisikleta sa Rui-Ping Elementary School sa Bali District, New Taipei City, Taiwan.
Ayon sa mga otoridad, nagbibisikleta ang 32-anyos na biktima kasama ang dalawa pang Pinoy nang mabangga ng isang sasakyan.
Mabilis na tumakas ang driver ng sasakyan sa pinangyarihan ng krimen.
Nang dumating ang mga pulis, wala na umanong vital signs ang biktima at idineklarang patay sa ospital.
Patuloy pang iniimbestigahan ng mga otoridad ang naganap na aksidente. – sa panulat ni Angelica Doctolero
