Arestado ang isang notorious Abu Sayyaf member na sangkot sa pagpatay kay Sulu Provincial Police Office Drug Enforcement Unit Chief Lt. Sali Salim noong nakaraang linggo.
Kinilala ang arestadong suspek na si Benhajar Salapuddin Alan, residente ng Sta. Barbara Zamboanga City.
Ayon kay Police Regional Office – Bangsamoro Autonomous Region Director Marni C. Marcos Jr., miyembro ang suspek ng Abu Sayyaf Group na pinamumunuan ng napatay na Senior Leader na si Albader Parad na sangkot sa kidnapping, gun for hire at illegal na droga.
Naaresto si Alan sa bisa ng warrant of arrest na ipinalabas ni Judge Catherine Fabian ng RTC branch 16 ng 19th Judicial Region sa Zamboanga City sa kasong “qualified murder by treachery”.
