Hinamong ng isang mambabatas sina Senador Panfilo Lacson at Baguio City Mayor Benjie Magalong na maglabas ng ebidensya kaugnay sa sinasabi ng mga ito na ilang kongresista na dating kontratista ang nakatanggap ng flood control projects ng pamahalaan.
Ayon kay House Committee on Public Accounts Chairman at Bicol Saro Partylist Representative Terry Ridon, ilang linggo na nilang hinihintay ang listahan ng mga itinuturong politiko nina Sen. Lacson at Mayor Magalong ngunit wala pa rin silang natatanggap.
Kaugnay nito, kinumpirma ni Rep. Ridon na nakatakdang silang magsagawa ng briefing ngayong araw kasama ang iba’t ibang ahensya ng pamahalaan upang talakayin ang mga isyu kaugnay sa flood control projects.
