Matapos ang isang linggong bakbakan, nakubkob ng militar ang isang kampo ng Abu Sayyaf Group o ASG habang 26 na rebelde at 3 sundalo ang nasawi sa Basilan.
Ayon kay Major Filemon Tan, 12 kawal naman ng gobyerno ang nasugatan matapos masabugan ng improvised explosive device o IED na itinanim ng mga bandido.
Sinabi ni Tan na tinatayang 150 miyembro ng ASG ang nakipagbakbakan sa mga 800 sundalo.
Wala namang narekober ang militar na bangkay ng mga ito lalo’t agad umanong inilibing dahil sa Muslim tradition.
By Jelbert Perdez
