Isang C4 plastic explosive natagpuan sa apartment ni Supt. Nobleza

Nadiskubre ang isang C4 plastic explosive sa apartment na inuupahan ni Supt Maria Cristina Nobleza sa barangay Looc, Panglao, Bohol.

Ayon sa police regional office 7, narekober din sa nasabing apartment na pag-aari ng isang Paulino Apduhan ang isang detonating cord, blasting cap at blasting cap kit. Ang plastic explosive ay nakita mula sa isa sa mga bagahe ni Nobleza na naiwan sa apartment.

Sinabi ng mga awtoridad na nirentahan nina Nobleza at ng kanyang umano’y kasintahang Abu Sayyaf member na si Reenor Lou Dungo kasama ang dalawang iba pa ang nasabing apartment  noong April 17 bago sila maaresto sa bayan ng Clarin.

Ipinabatid ni Apduhan na pa check-out o paalis na sana sina Nobleza at Dungo sa nasabing apartment noong Sabado.

By Judith Estrada-Larino

Comments

comments