Humihingi ng panalangin ang mga kaibigan sa showbiz ng aktres na si Isabel Granada.
Ito ay para sa agarang paggaling ni Isabel na comatose ngayon sa Hamad General Hospital sa Qatar.
Sa Facebook post ng aktres na si Bianca Lapus, kaibigan ni Isabel nakaranas ng mass internal bleeding at aneurysm ang dating child star.
Bigla na lamang aniyang nawalan ng malay si Isabel na anim na beses nakaranas ng cardiac arrest mula nang madala sa pagamutan.
Sinabi ni Bianca na nakatakdang sumailalim sa isang major operation si Isabel.
—-
