Pansamantalang isinara ang ilang state schools at opisina sa Iraq dahil sa matinding sandstorm.
Ayon sa mga otoridad ng Baghdad, nagdeklara na sila ng day-off para sa government institutions, maliban sa sektor ng health services.
Sinabi ng medical officials, na daan-daang katao sa capital at southern cities ang na-ospital matapos mahirapang makahinga.
Sa isang statement, sinabi ng Baghdad International Airport na isasara nito ang kanilang airspace at ihihinto muna ang mga flight.
Nabatid na nitong mga nakaraang linggo ay mayroong tumatamang isang sandstorm sa Iraq kada linggo.
