Naitala ng Iran ang pinakamataas na bilang ng nasawi dahil sa coronavirus disease 2019 (COVID-19) sa loob lamang ng isang araw.
Kasunod na rin ito nang naitalang 54 na bilang ng mga nasawi kaya’t pumapalo na sa 237 ang death toll ng Iran dahil sa nasabing virus.
Batay sa pinakahuling report ng Health Ministry nasa mahigit 7,000 kumpirmadong kaso ng COVID-19 ang naitala sa iran mula sa lahat ng tatlumput isang lalawigan nito.
Mahigpit namang naka monitor ang iranian health authorities sa pagdiriwang ng persian new year sa Marso 20 kung kailan nagba byahe ang mga tao at bumisita sa kani kanilang pamilya.
Subalit ilang lalawigan na ang nagpalabas ng notice of hotel closures at iba pang tourist accommodation para hindi na rin mag biyahe pa ang mga tao.
