Naghahanda na ang Indonesia sa mass vaccination program nito matapos dumating ang unang shipment ng coronavirus disease 2019 (COVID-19) vaccine mula sa China.
Ayon kay Indonesian President Joko Widodo, nasa 1.2 million doses ng Sinovac Biotech Limited mula sa China ang kanilang unang natanggap.
Mayroon pa aniyang 1.8 million doses ang inaasahan nila sa susunod na buwan.
Sinabi ni Widodo na ang naturang bakuna ay ginagamit na nila sa testing mula pa noong Agosto.
Isinasagawa pa ang last stage trials ng Sinovac vaccine sa Brazil at Turkey na inaasahan ang interim results ng efficiency ng bakuna mula Brazil sa kalagitnaan ng Disyembre.
Pumapalo na sa halos 600,000 ang kaso ng COVID-19 sa Indonesia kung saan halos 18,000 na ang nasawi.
