Arestado ng Bureau of Immigration (BI) ang isang Indian national dahil sa ilegal na pagtatrabaho sa Boracay, Aklan.
Kinilala ang dayuhan na si Vincent Joseph Mondal, 42 anyos.
Ayon kay BI Intelligence Division Acting Chief Fortunato Manahan Jr.,
Nahuli si Mondal na nagtatrabaho bilang chief cook sa isang restaurant sa pampublikong pamilihan sa Boracay.
Wala aniyang sapat na dokumentong naiprisinta ang naturang dayuhan nang lapitan ito ng mga tauhan ng BI.
Napag-alaman pa umanong dati nang nalagay sa Immigration blacklist si Mondal dahil sa overstaying.
Kasalukuyang na sa BI Detention Facility ang dayuhan para sa deportation proceedings.
