Hindi pa rin susuko si Senate Committee on Ways and Means Chairman Sonny Angara sa pagsusulong sa panukalang batas na magbababa sa income tax rate.
Sinabi ni Angara na dapat ituloy ang pangungumbinsi para sa naturang tax measure kung naniniwala na ito’y tama at makatutulong sa publiko.
Ayon kay Angara, maaaring hindi tama at hindi kumpleto ang impormasyong naibibigay sa Pangulong Benigno Aquino III ng kanyang mga economic managers ukol sa naturang Tax Reform Bill.
Sa kabila nito, umaasa pa rin si Angara na makakakuha ng suporta ang nabanggit na Tax Reform Bill na makapagpapagaan sa pamumuhay ng may halos 5 milyong Pilipino.
By Meann Tanbio | Cely Bueno (Patrol 19)
