Pumalag si Presidential Anti-Corruption Commissioner Greco Belgica sa hamon ni house committee on public accounts Chairman Mike Defensor.
Ito’y makaraang hamunin ni Defensor si Belgica na pangalanan ang mga kongresistang sangkot umano sa katiwalian sa Department of Public Works and Highways (DPWH).
Ayon kay Belgica, hindi niya tatanggapin ang hamon ng mambabatas dahil matagal na nilang iniimbestigahan ang kagawaran at ayaw naman niyang lumabas na tila blind item ang kanilang imbestigasyon.
Dahil dito, sinabi ni Belgica na mabuting hintayin na lamang ni Defensor ang mga kongresistang kakasuhan nila sakaling matapos na ang imbestigasyon at doon na niya malalaman kung sino-sino ang mga iyon.
