Binigyang diin ng Citizens Urgent Response to End COVID-19 (CURE COVID-19) na hindi na kailangan pang pag-aralan ng Department of Health (DOH) at Food and Drug Administration (FDA) ang isinagawang distribusyon ng Ivermectin sa Quezon City dahil mali naman aniya talaga ito.
Ayon kay Dr. Julia Caguiat tagapagsalita ng CURE COVID-19 na dapat una pa lamang ay ipinahinto na ng FDA ang pamamahagi ng Ivermectin dahil hindi naman aniya aprubado itong gamitin para sa tao.
Giit ni Caguiat, malinaw naman aniya itong pandaraya, deception at exploitation ng mga mamamayan kaya’t hindi na kailangan ng imbestigasyon.
Matatandaang nito lamang nagdaang linggo ay namahagi ng Ivermectin ang dalawang kongresista sa Matandang Balara sa Quezon City.
