Pangungunahan ni dating CBCP o Catholic Bishops’ Conference of the Philippines President at Lingayen-Dagupan Archbishop Emeritus Oscar Cruz ang imbestigasyon laban kay Msgr. Arnel Lagarejos.
Naaresto si Msgr. Lagarejos makaraang mahuli ito sa aktong nagpasok ng menor de edad sa isang motel sa Marikina City kamakailan.
Ayon kay Cruz, kanilang ipadadala sa Roma si Msgr. Lagarejos kapag napatunayang guilty ito sa kanyang nagawang kasalanan.
Una rito, sinuspinde na ng Simbahang Katolika si Lagarejos at tinanggal na rin ng Diocese of Antipolo bilang kura paroko ng St. John Parish sa Taytay, Rizal.
By Jaymark Dagala
