Makararanas ng pagkaantala sa suplay ng kuryente ang ilang lugar sa Pasay City.
Sa anunsiyo ng Pasay City government, magpapatupad ang Manila Electric Company (MERALCO) ng power service interruption sa kahabaan ng alley 17 Street, Sun Valley dahil sa isasagawang line maintenance work ngayong araw.
Magsisimula ang pagkaantala sa suplay ng kuryente mamayang alas-otso y medya ng umaga na tatagal hanggang mamayang ala-una y medya ng hapon.
Humingi naman ng pang-unawa si Pasay City Mayor Emi Calixto-Rubiano sa mga maaapektuhang residente partikular na ang mga nakatira sa Circuit Sun Valley, Alley 17 Street, at Alley 13 Street.
Samantala, para naman sa iba pang mga katanungan, maaaring bumisita sa official FB page ng MERALCO o mag-text sa mga numerong 0920-9716211 o 0917-5516211.
