Tatlong siyudad at walong bayan sa lalawigan ng Cebu ang isinailalim sa Modified Enhanced Community Quarantine o MECQ with heightened restrictions bunsod ng patuloy na pagtaas ng kaso ng COVID-19.
Kabilang dito ang siyudad ng Talisay, Naga at Carcar, at mga bayan ng Consolacion, Liloan, Minglanilla, Sibonga, Argao, Samboan, Oslob at Cordova.
Ayon sa Public Information Office ng lalawigan, ang MECQ sa mga nabanggit na lugar ay epektibo mula kaninang alas-12 ng madaling araw na tatagal ng 15 araw.
Ang ibang bahagi naman ng lalawigan ay mananatiling nakasailalim sa General Community Quarantine o GCQ.—sa panulat ni Hya Ludivico
