Anim na brand ng anti-COVID-19 drug na Molnupiravir ang nabigyan ng Emergency Use Authorization (EUA) ng Food and Drug Administration (FDA).
Ayon kay FDA deputy director Oscar Gutierrez, nabigyan ng EUA ang Molnarz ng Faberco, Molnaflu ng Medethix, Auxilto ng German Quality Pharma, Molxvir ng Sun Pharma, Molnatris ng Mykan, Molnupiravir generic ng Lloyd Laboratories/ Dr. Zen research.
Ibinahagi rin ng opisyal na nag-apply na rin ng EUA ang Pfizer para sa anti-viral therapy pill na Paxlovid, na kasalukuyang sumasailalim sa evaluation.
Sinabi pa ni Gutierrez na patuloy silang tatanggap at magbibigay ng compassionate special permit applications sa loob ng susunod na tatlong buwan upang madagdagan ang suplay ng investigatory COVID-19 drugs sa bansa.
