Hawak na ng Marawi City Police ang mga pera at gamit na narekober ng militar sa mga lugar na hinihinalang kuta ng teroristang Maute group sa lungsod.
Bago i-turn over sa pulisya, isinapubliko muna ni Joint Task Force Ranao Deputy Commander Col. Romeo Brawner Jr ang perang nagkakahalaga ng 300,000 Piso na nakuha mula sa mga miyembro ng Maute.
May narekober din ang militar na iba’t ibang appliances at maging ng mga alahas sa main battle area na posibleng ninakaw din ng mga terorista.
Giit ni Brawner, mahigpit ang kanilang tagubilin sa mga sundalo na agad i-turn over sa kanila ang anumang mga bagay na kanilang makikita sa isinasagawang clearing operations duon.
