Itinanggi ni Customs Commissioner Isidro Lapeña na may kaugnayan siya sa ilang indibidwal na gumagamit umano sa kanyang pangalan upang makapangikil mula sa mga importer at broker.
Ito ang iginiit ni Lapeña makaraang makatanggap ng mga impormasyon na may mga indibidwal na nanloloko ng ilang importer at broker makaraang magpakilala na nagtatrabaho sa ilalim ng tanggapan ng Commissioner.
Hindi naman anya siya humihingi ng pabor kung kanino upang kumilos para sa kanya at bukas din naman ang Bureau of Customs na tumanggap ng mga sumbong mula sa publiko sakaling may mangikil sa kanila.
Kabilang sa tinukoy ng B.O.C. ang mga indibidwal na sina Richard “ricky” Rebong, Ronald “abu” Sanchez, Abogadong si Jimmy Patricio, “Colonel Mapalo”, Teofilo “jojo” Bacud at “Colonel Divina.”
